《缺宅男女》憑「關二嫂」角色冒起的黃智雯（Mandy）成為無綫「親生女」，劇集《on call36小時》、《飛虎》、《巴不得媽媽》、《女警愛作戰》於今年陸續出爐。Mandy受器重，除唔怕醜，有演技外，腳頭好，能帶旺收視，就算在非黃金時段播出的《飛虎》，平均收視29點，最高30點，反應很不錯。
TVB幸運兒
對於幸運兒之說，她哈哈笑說：「希望我繼續好運啦，計落都幾好彩嘅，可以遇到咁多好嘅製作，加上每個劇集劇種同角色都好唔一樣，不過，我唔覺係升咗呢，明白到觀眾要累積，我仲有好多進步空間，前輩李成昌叫我唔好心急，要多練好內心戲，注意面部表情，有時較繃緊。其實我最擔心係，之前咁辛苦拍落嘅存貨，今年一氣呵成出哂，無劇承接。」
恨做陰險小人
重提出位「關二嫂」，對她來說都幾大挑戰：「因為我唔係咁吱吱喳喳嘅女人，性格反而唔出聲，較慢熱，所以要留意auntie的舉動，要嘴藐藐，學做八婆。我唔介意做呢啲角色，再衰啲做奸妃、或者再玩大啲，做為咗報復嘅陰險小人都唔緊要，始終做演員係要豁開，如果有做高登女神呢啲包袱，下下怕趕走粉絲就唔好睇啦。我好鍾意唱歌跳舞，最想拍音樂劇，試下拍古裝都好，造型好典雅。」
口花男友咪搞
Mandy自爆未有拍拖：「因為工作忙，加上對呢方面唔多敏感，自然會忽略咗好多想埋身嘅男仔，錯失好多機會，好彩自己唔心急拍拖。搵男朋友，我會揀個有風度，識照顧人嘅，最唔得男人自私，（揀黃宗澤咁型型地，但口花花呢？）我未同佢合作過，唔熟佢呀，做男朋友梗係揀過踏實好啦，果啲做朋友就得，仲會o氹得人幾開心添，不過，最重要夾到。杏兒同Bosco分手，感情係私人問題，作為杏兒朋友，我哋冇談論，但我會尊重同支持佢嘅決定。」
好腳頭
《搜下留情》(2010) 平均28點，最高31點（飾演性格懦弱怕事的「鵪鶉妹」）
《缺宅男女》周日播映兩小時大結局，平均收36點，最高收視達40點（飾「關二嫂」）
《on call36小時》最高收視為39點
《飛虎》平均收視29點，最高30點
Orignal From: 最怕男友口花唔踏實 黃智雯撐胡杏兒
沒有留言:
發佈留言