封面
奶奶唔畀香港擺酒 Miki北海道鬼祟嫁永安太子
2012年08月08日
27歲餅碎楊愛瑾（ Miki），與永安百貨太子爺郭永淳拍拖 5年，近月 Miki終於得到郭家兩老批准，於今年 11月尾結婚，但未來奶奶卻唔畀在港擺酒，所以二人將到北海道拉埋天窗，嫁入豪門。
婚訊傳足幾年，直至今年中， Miki與經理人公司 Starz People完結 3年合約，正式回復自由身，有空閒籌備婚事，不過，曾講明唔使男人錢的 Miki，據知婚後會簽約無綫，上週更到電視城傾談合約，準備婚後簽無綫做「親生女」。
秘密拍拖 5年終於得到老爺奶奶認同， Miki上週擔任舊愛徐天佑的 Shine音樂會嘉賓，更得到對方祝福；而「苦主」郭永淳的前妻伍智恒，今年終收到 150萬贍養費，搞掂前妻嗰筆，二人可以光明正大結婚。
和永安太子郭永淳拍拖 5年，男友與前妻的贍養費官司亦了結， Miki終於坐正做郭太。
上週六（ 4日）， Miki親身到無綫傾談合約及未來工作，但她拒絕透露詳情，只講：「遲啲先講！」
今年情人節， Miki於微博上載蛋糕相，並暗示郭永淳向她求婚。
上年 8月見家長
Cookies九餅碎各有不少戀情，估唔到由 Miki爬頭，二人決定於 11月尾出發到北海道旅行結婚。有男方親友向本刊透露︰「其實佢哋拍拖咁多年來，上年 8月 Miki先第一次可以見到郭父郭母，第一次叫做一家人坐低食飯。郭父郭母肯出嚟，都證明佢哋已經唔介意佢哋拍拖，但當時阿淳仲未敢講想娶 Miki。」
其實郭永淳同 Miki，先被重病前妻伍智恒在微博數臭「搶老公」，追贍養費搞到要鬧上法庭；去年 12月，再被本刊爆出「前小三」連詩雅，郭楊拍拖 5年，可謂受盡考驗。
郭父郭母由抗拒到接受 Miki，足足花了 5年時間，直至去年中， Miki先第一次與未來老爺奶奶見面。好彩 Miki終獲兩老批准結婚。《忽然 1周》圖片
Miki同男友郭永淳拍拖 5年來每次出街都偷偷摸摸， o依家終於可以光明正大。《壹週刊》圖片
情人節求婚
自 09年滿約金牌大風之後， Miki重返娘家 Starz People，希望做出成績，博未來老爺奶奶歡心，可惜 5年合約，過了 3年死約， Miki的事業都仍然原地踏步，最近 Miki決定另謀發展；同時間，郭永淳亦成功氹掂父母，批准 Miki入門，只是兩老因為兒子始終結過婚而想低調處理，所以唔畀兩人在香港擺酒。
獲父母開綠燈，今年情人節郭即向 Miki求婚，知情人說︰「今年情人節，亦係 Miki正日生日，以往阿淳都會幫女友搞 party，但今年就二人世界，之後先知原來阿淳玩求婚，但兩人都好口密，只通知家人同側田。當年佢哋拍拖冇耐就去 咗北海道，今次亦會 喺當地搞個小型婚禮，講明只招待親友和圈外朋友。不過，日本註冊婚姻手續繁複，而且 Miki又唔肯定有冇法律效用，當然想出發前喺香港註冊先。」其實早在今年 2月 14日情人節， Miki已暗示男友求婚，並於微博上載一張花形蛋糕，寫上：「告訴大家一件事，今年的生日對我來說很特別！」
3/8 同餅女報喜
上週五（ 3日）， Cookies 7女為 Shine 10周年音樂會綵排， Miki心情大靚，向姊妹們公告喜訊。
面阻阻
被本刊踢爆為「前小三」後，連詩雅公開承認 16歲時曾跟郭永淳拍拖幾個月，但她強調直至分手時，才得悉對方已婚；自此她與 Miki出席活動都面左左。
重返 Starz People一心大展拳腳，但緋聞拖累，加上模湧現，最終 Miki要向主持方面發展，在 Starz最後的主持工作，是無 綫收費台的《樓上有寶》。
Miki 01年入行已簽約 Starz People，老闆鄒世龍曾表示會為她出唱片，但歌都未錄就已離巢。《蘋果日報》圖片
Miki和天佑 02年開始傳緋聞，至 05年分手，之後沒有聯絡，事隔 7年多於 Shine的演唱會再見面，天佑都為舊愛送上祝福。《蘋果日報》圖片
做 TVB親生女
不再續約 StarzPeople公司，被人認定一心入豪門做少奶奶的 Miki，未有打算繑埋對手被睇死，反而更積極接觸其他公司。上週六，她親自到無 綫與高層傾談合作。本刊當日問她結婚一事， Miki初時表現得十分錯愕，只不斷說︰「多謝關心。」再問到是否 11月在日本擺酒，她說︰「遲吓先講啦！」
據知在上週五， Miki為舊愛徐天佑的 Shine 10周年音樂會擔任嘉賓，亦順便向一班好姊妹和前度宣布喜訊。有幕後人員說︰「綵排 嗰陣，有人話 Serena（另一餅碎蒲茜兒）有 咗，幾個女仔都好開心，點知 Miki突然自爆話自己都係時候，大家都心中有數，天佑 喺後台仲同 Miki嚟 咗個世紀擁抱。」
最新圖片 前妻收揞口費停鬧
我已經好慘！（真實對白）
上週五（ 3日），郭永淳前妻伍智恒到中環做物理治療遇上本刊記者。離開時，記者問她知否 Miki將和她前夫結婚以及贍養費問題時，她即皺眉說︰「我已經好慘，你哋唔好再搞我啦。」
郭永淳與前妻伍智恒（ Connie）於 2000年結婚，至 09年 3月離婚， 9年婚姻 2人都很低調，甚少結伴出席公開場合。今年 3月，法院頒令郭需一筆過付前妻 150萬元及每月$42,500之贍養費。
太子爺自揭空心
富二代郭永淳為永安百貨郭氏家族後人，估計父親郭志權連其家族坐擁逾 20億身家。現時郭永淳手上並冇任何物業，只租住貝沙灣豪宅。上年與前妻伍智恒就贍養費打官司時，郭更自揭自己係空心少爺，由 05至 09年間打工收入只得 40萬；而多年來同女友 Miki遊山玩水，碌咗接近 100萬咭數、以及離婚官司嘅訟費，亦要由父母埋單找數。
一直靠屋企供書供食嘅郭永淳，雖然聲稱自己冇乜錢，但屋企就一定大把，所以仲可以租住貝沙灣豪宅歎世界。《蘋果日報》圖片
屯門妹飛上枝頭
今年 27歲嘅 Miki，爸爸係香港人，媽媽係北京人， 02年加入 Cookies前， Miki一直喺屯門區長大，連中學亦喺同區 band 4嘅馬可賓紀念中學就讀。 05年 Cookies解散後， Miki工作量大減，好彩搭上永安百貨太子郭永淳後，就算冇乜 job都可以好食好住。 Miki年尾將嫁入永安百貨家族，雖然本刊查過 Miki並冇任何物業揸手，但屯門妹總算嫁入豪門飛上枝頭。
中學年代 Miki就讀屯門區馬可賓紀念中學，該校為 band 4中學，而 Miki於校內成績亦屬一般，只讀到 F.5。
《壹週刊》圖片
Miki自細同父母及哥哥一家四口住喺屯門彩華花園 600呎單位。《壹週刊》圖片
Miki（前排左一） 01年入行做 model， 02年被 EMI睇中發掘佢加入 Cookies，當年同 Stephy（前排右二）曾同居喺紅磡柏灣，但因爭住主人房而反目。
Miki手上並冇持有任何物業，現居的西半山蔚華閣亦係租住單位。蔚華閣 6百多呎單位，月租最平約$26,000。《忽然 1周》圖片
龍蛇新娘
楊愛瑾嫁人在即，其實今年龍年至出年蛇年，大把圈中女星，好似鄭秀文、周汶錡、 Yumiko（鄭希怡）、蒙嘉慧，甚至梅艷芳前經理人的 Marianne（王敏慧）都話要結婚，個個盛女趕住嫁。
8月 Marianne
年約 40歲、梅艷芳前經理人 Marianne同拍拖多年嘅男友毛志輝，已於上年 10月訂婚，隔成 10個月， 2人將於今月底飛去英國結婚。
9月 周汶錡
38歲嘅周汶錡，同法籍男友 Julien拍拖 6年，最近終於傳出佢將於 9月飛去法國南部同 Julien結婚。
《蘋果日報》圖片
10月 鄭秀文
上年 3月同許志安世紀復合嘅 Sammi，據知最近安仔向 39歲嘅 Sammi求婚成功， 2人更傳於今年 10月去日本輕井澤舉行夢幻婚禮，年尾先喺香港補攞喜酒。
13年 蒙嘉慧
39歲蒙嘉慧，同男友伊健拍拖 7年內，傳過多次婚訊，早前伊健講過世界末日前會同蒙嘉慧結婚，據知兩人最快於下年初拉埋天窗。
13年 Yumiko
已 30歲嘅 Yumiko鄭希怡，早前喺泰國跌落斜坡搞到頭骨移位期間，多得拍拖 7年的化妝師男友照顧，最近 Andy更食住上向 Yumiko求婚成功，預計下年結婚。
Orignal From: 楊愛瑾北海道嫁永安太子郭永淳 婚後簽無綫做「親生女」
沒有留言:
發佈留言