無綫小生馬國明雖然事業穩步上揚，不過原來他會時時刻刻提醒自己不會攬住「靚仔」、「偶像」的包袱，更揚言要倣效黎耀祥和許紹雄，朝着實力、務實之路進發！
馬國明（馬明）最近在無綫穿越劇中一反常態，扮演貪威識食、經常「走精面」的角色，擺脫他以往的斯文形象，不過馬明表示這反而是件好事，可以給予觀眾有不同的感覺：「演員好棹忌係觀眾鍾意睇你做嗰樣，你遷就晒觀眾去做嗰樣，其實咁樣好危險，始終觀眾會有厭嘅一日，如果到時觀眾厭咗，你想變就太遲！」
馬國明不願攬住「偶像」、「靚仔」的形象，誓要向實力之路進發！
學黎耀祥許紹雄
在劇中，馬明視諸葛亮為他的偶像，不過他在現實中的偶像卻另有其人：「我嘅偶像就係黎耀祥同許紹雄，我欣賞佢哋嘅唔止係演技，仲欣賞佢哋做人處世嘅態度！我成日覺得攬住『偶像』、『靚仔』行出街好辛苦，但佢哋生活得好舒服，又唔怕話畀人聽結咗婚、生咗小朋友，亦唔需要着到好名貴、好靚去見傳媒，所以我都朝住呢個方向去做！」
現實中，黎耀祥（左）和許紹雄才是馬明的偶像。（資料圖片）
馬國明在劇中不時說林峯很chok，其實他亦表情多多！
戀情穩定才公開
不過問到馬明如果有另一半會否選擇公開戀情？他就說：「我唔介意公開，不過要喺穩定咗之後先，如果未穩定就費事煩！」不過馬明身為藝人，對於拍拖亦有一定難處：「尤其係啱啱想認識對方，約佢食餐飯，點知畀人影咗，然後畀人講到好誇張，就算你冇嘢，個女仔可能都尷尬！」
羅泳嫻 撐馬國明唔浮誇
無綫藝員羅泳嫻（Iva）於《回到三國》中飾演劉備二夫人，與馬國明及簡慕華最多對手戲，她在劇中頻頻欺負馬國明，但私底下他們老友鬼鬼：「大家咁多年同事，我哋拍劇時氣氛好好，演得好開心。」對於有網友批評馬國明演技浮誇，她認為是劇情需要，對方充分演活了一個無用少年！
愛畫油畫的羅泳嫻打算儲作品開畫展。
一直有學油畫的她現時畫上癮，以畫古典人像畫為主，但就沒有找朋友做繪畫對象，怕畫得不像會被朋友抽秤，她現已畫了約十幅畫，打算儲到超過三十幅時開畫展。近來她受藥物影響搞到水腫，上鏡時比以前肥了很多，令她飽受壓力。
馬國明與羅泳嫻相識多年。
羅泳嫻與簡慕華（中）、楊怡（右）有不少對手戲。
Orignal From: 馬國明走精面擸觀眾 羅泳嫻撐馬明唔浮誇
沒有留言:
發佈留言