曹永廉與太太姜依蘭（ Elaine）07年結婚，婚前共養兩隻狗仔，分別是混種北京狗「豬扒」和西施狗「雞髀」，原本一家四口生活得很快樂，阿廉和依蘭當小狗是寶貝一樣，阿廉說：「十年前我搬咗出嚟住，因為怕悶咪養咗兩隻狗，以前佢哋同我哋仲會同床瞓㖭，感情好好。」
曹永廉十分愛錫兩隻狗，但為子女安全惟有將他們分隔開。
雞髀
品種：西施 性別：雄性 年齡：10歲
豬扒
品種：混種北京狗 性別：雌性 年齡：10歲
囝囝受傷嚇破膽
不過，依蘭自從生了四歲兒子 Brandon和一歲女兒 Erin後，阿廉亦逼於無奈要與兩隻狗仔雞髀和豬扒疏遠一點，他解釋：「其實都幾慘，但冇辦法，因為擔心啲狗毛唔衞生，對胎兒唔好。」為怕愛犬豬扒和雞髀小器，阿廉亦嘗試抽多一點時間與兩隻愛犬傾偈，還會給予極大空間讓牠們走動，他說：「有朋友建議將狗放上天台或困籠，但我覺得唔係太好；寧願用個欄圍住小朋友，差唔多大半個廳畀狗仔行，希望佢哋減少接觸。」
雖然已用盡一切辦法隔開子女和狗仔，可惜安全性不足，仍是百密一疏，前年大仔 Brandon疑開門時不慎撞倒雞髀，雞髀即反撲咬了 Brandon一啖，要睇醫生打破傷風針，阿廉形容當時嚇到失魂落魄，他說：「老婆第一時間打畀我，未講已經叫我冷靜啲，話個仔俾雞髀咬到隻眼，好彩嘅係，成隻眼周圍傷晒，係眼珠冇事。」
有朋友曾提議阿廉將狗放上天台或困籠，但他仍希望牠們活得開心。
阿廉大仔 Brandon曾被家中犬隻咬傷眼，為怕子女再受傷害，以圍欄讓各自有活動空間。
阿廉一向是廿四孝爸爸，而且愛心爆棚，即使有了孩子亦不遺棄小狗。
「嬲到掟佢出街」
傷人好大罪，好多人會認為雞髀難逃被人道毀滅，但阿廉最終仍希望留牠一條狗命，他解釋：「其實另一隻豬扒已經唔係第一次咬人，六、七年前我都俾佢咬過一次，當時佢不停發出低沉聲音，但我仍捉住同佢傾偈，最終佢發嬲咬我。我梗係好激氣，嬲到即刻掟佢出街， Elaine提醒咗我，其實係我撩狗在先，狗係唔識說話，亦唔識打人，佢唯一表達不滿嘅方法就係咬你。諗到呢度，我都知自己錯，畀豬扒返入屋，家諗番起都真係覺得好後悔。」
阿廉亦好心痛兒子受傷，但被咬一刻只有傭人在場，難辨是非，所以阿廉最後仍不忍心將雞髀和豬扒遺棄，希望牠們繼續有個安樂窩，他說﹕「其實佢哋依家年紀大咗，冇以前咁活躍，希望佢哋同一對仔女能相處融洽。」
貪平買病狗
曹永廉十年前開始與 Elaine同居，為令屋企增多一點生氣，決定買寵物回家飼養。但因一時貪平，結果買了一隻病狗，令阿廉十分激氣，他說：「記得當時用咗800蚊買隻狗，即晚已經病到死死吓，睇醫生吊咗十日鹽水，最後都死咗。」
睇幾千蚊醫生
阿廉與寵物店職員理論，最後獲賠償另一隻狗仔豬扒，可惜都是病狗，阿廉無奈說：「當時可以選擇唔要，揀過另一隻，但拎咗返屋企就有感情，最後又花咗2千幾蚊睇醫生，到家仍然體弱多病，皮膚又敏感。」為令豬扒有個伴，幾個月後，再買了愛犬雞髀，他笑說：「今次醒啦，買隻貴啲，健康完全冇問題。」
Orignal From: 曹永廉人狗分隔愛共存
沒有留言:
發佈留言