躁火影帝吳鎮宇昨晚與陳法拉在中環拍攝《衝上雲霄II》，比原定時間早到的鎮宇，因與劇務未溝通清楚，令他兜了一小時才到達，甫落車即向PA（助理編導）開火：「唔好話我知又去番頭先嗰度拍呀！我兜咗好耐喇！」其後正式拍攝時，又因現場聚集開閃光燈拍照的圍觀途人，令慘吃NG的鎮宇再度無名火起，向途人施展鎮壓吼功：「唔好再閃燈喇！」
不過向來專業的鎮宇拍攝時絲毫未有因「怒火」分心，為求搞笑即爆肚向法拉講對白：「對腳好似跪過玻璃咁，又瘀又黑！」法拉亦十分機警以Rock友手勢「回敬」，成功帶動氣氛！
受訪時鎮宇坦言因與助導溝通出現問題才發忟憎：「其實一個鐘頭前我到咗，同劇務講咗，點知又唔見佢哋，激氣到呀！」他更表示不會因此後悔接劇：「拍戲梗有呢啲情況出現。（有啲亂？）習慣咗。」
吳鎮宇穿上老西在炎熱街頭拍劇，怪不得容易發忟。
法拉的Rock友手勢冧番吳鎮宇。
現場圍觀的市民用閃光燈拍照，累鎮宇NG，再次辣著他。
Orignal From: 吳鎮宇陳法拉《衝上雲霄II》中環外景
沒有留言:
發佈留言