續集冇份
TVB迫簽約 吳鎮宇罷拍《衝上雲霄 2》
2011年11月16日
03年TVB套《衝上雲霄》，吳鎮宇飾演飛機師阿Sam，斯文型仔，迷倒不少女fans，加上落重本去咗唔少地方拍攝，當年大收旺場，仲帶紅埋黄宗澤吳卓羲等新小生。
事隔8年，早前TVB於節目巡禮中出現《衝上雲霄2》宣傳片段，可惜片中Sam哥只在片尾路過出現，並改以張智霖做主打。據知吳鎮宇因嫌錢少之餘，更加唔想俾無綫合約縛住而遲遲未應承歸隊，吳鎮宇更說：「對於我嚟講，『續集』係幾頭痛嘅嘢！」
好緊張每個月嘅收入。真實對白
上週四（10日）吳鎮宇於屯門為《Laughing Gor》拍攝一場監倉戲時，問佢有關無綫合約之事，佢就話：「等經理人去傾，我哋呢啲有家庭有兒女嘅人會好緊張每個月嘅收入、或者時間有幾長，個角色係點都要同TVB傾。」
雖然無綫極力游說吳鎮宇埋班再演Sam哥，可惜他曾公開鬧過無綫：「我畀面先為佢哋拍劇，唔好以為益咗我，覺得畀我哋啲劇集出街就係畀我哋賺咗幾千萬。」，事隔3年對於無綫苛刻條件仍有保留，故遲遲未肯動筆簽約。
拉攏回巢
好耐冇返過無綫嘅吳鎮宇，喺上月《潛罪犯》嘅開鏡儀式中，俾高層樂易玲捉住密斟，似乎樂大媽落足嘴頭搵鎮宇返嚟拍劇。
8年前經典
8年前吳鎮宇做Sam哥，當時剛受無綫力捧的吳卓羲係仔一名。
《衝2》換新血
有望出年開拍嘅《衝上雲霄2》，喺宣傳片中換上全新班底，由張智霖及林峯孭重飛做主打，以張智霖配陳法拉、林峯配胡杏兒做情侶，吳卓羲配港姐冠軍朱晨麗；而吳鎮宇則未落實參與或以客串角色參與。
Chilam拖法拉
講型仔Chilam唔輸蝕畀吳鎮宇，配法拉就悶咗啲囉！
胡囧搭林峯
《衝1》胡杏兒同Sam哥做一對；《衝2》就變咗林峯，邊個話女人唔襟老？
片尾出現
到宣傳片尾，吳鎮宇突然出現，話自己會飾演一個機師角色，不過有幾重戲分就冇透露！
合約縛死
無綫近年好多藝人約滿後，都寧願北上掘金，搞到無綫要向外求救，不過拍得劇就起碼縛你一年先有機會再外闖。
張智霖
去年回巢拍《魚躍在花見》時，有傳簽了三部片約，《衝上雲霄2》正是還債之作。
張兆輝
無綫誠邀回巢拍新處境劇《結．分謊情式》，部頭約至明年年底，其間冇得拍其他劇。
周麗淇
年頭返無綫簽開拍《我的如意狼君》，據知她一簽簽三部，有排都未完成合約。
唔想簽合約
據知TVB搵吳鎮宇拍《衝上雲霄2》，除了價錢偏低外，最慘係要吳鎮宇簽多部部頭合約，完成合約前更不能接拍其他廣東話劇集，可惜《衝2》最快要到明年2月先開拍，撞啱明年有三間新電視台啟播，王維基同李澤楷又四出招兵買馬，唔想錯失搵銀機會，吳鎮宇當然卻步。
上週四（10日），正為電影《Laughing Gor之潛罪犯》開工的吳鎮宇說：「同TVB接觸緊，可能啦！但一日未簽約都會有變，要睇吓份合約，個角色係點先啦，有好多考慮嘅因素，其實我自己唔太願意拍續集，對於我嚟講『續集』嘅嘢係幾頭痛，而我都好耐冇拍電視劇，如果今次係拍都係徇眾要求！」睇嚟無綫都要諗計度吳鎮宇回巢啦！
探班當日謝天華同吳鎮宇未正式埋位，經已相當入戲，戲中兩人要鬥智兼鬥chok。
Laughing鬥
上次《Laughing Gor之變節》吳鎮宇飾演一個社團大佬，而新一集《潛罪犯》中，吳鎮宇則飾演一個高智能罪犯；而謝天華則由警察變犯人，戲中將有三分一戲份在監獄發生，吳鎮宇亦老實說：「今次有加片酬，又肯就我個期。」
腿誘天華
戲中JM（文詠珊）飾演保安科一個文員，之後被調為Laughing嘅聯絡員，上週四（10日），JM更穿上熱褲開工，Laughing少啲定力都死。
關係超複雜
《Laughing Gor系列》電影開拍續集，亦同《潛行狙擊》劇情有所連貫，雖然今次電影冇咗Madam Jo（陳法拉），不過都加插咗一啲新角色，好似出爐港姐朱晨麗同埋JM（文詠珊）等。
Orignal From: TVB迫簽約 吳鎮宇罷拍《衝上雲霄2》
沒有留言:
發佈留言