打到嚟
監場督工 王維基 1,600萬頂級機開戰
2012年05月02日
自電訊魔童王維基要進軍電視圈，由開波挖角到起廠房一直大鑼大鼓。雖然政府仲未發牌，不過信心爆棚嘅魔童一於少理，週一（ 30日）首日開工拍攝首套電視劇，王維基身為老闆亦御駕親征相當緊張，全程跟實。
我嚟學嘢啫！真實對白
老闆王維基最緊張部攝影機，基本上一到拍攝現場就圍住部機左嵋右嵋。梗係啦，大嗱嗱 1,600萬器材，唔望真啲點得
一向出手濶綽嘅魔童，要打造電視王國，硬件器材當然唔會慳。為咗畫面效果理想，用咗 1,600萬買入荷里活級數嘅 ARRI ALEXA攝影機拍攝，連最近套大製作《復仇者聯盟》同《雨果之巴黎奇幻歷險》都係用佢嚟拍。用荷里活電影級數機拍港劇，王生認真落本。
王維基自宣布進軍電視後，除挖 咗唔少無 綫台前幕後，亦用 咗 6億起新廠房。雖然廣管局仲未發牌，不過王生都好有信心，冇牌照開工，週一（ 30日）王維基 嘅電視台正式拍劇。
台灣外援台星唐禹哲喺劇中飾演吸血殭屍；而女主角詩雅就同唐禹哲係情侶，劇情直頭係港版《吸血新世紀》。
超八卦
王維基最緊張部攝影機，就連用嚟拍攝嘅 DV帶亦甚有興趣，特登開箱嚟睇！
勁吹水
原本打算拜完神就閃，不過王維基最後都隨隊拍攝，仲同主角應昌佑、詩雅傾偈。王維基話：「今日我哋拍到夜晚 11點，我會跟到尾！」認真落力。
跟足兩場
今年 2月 CTI動土當日舉行記者會，亦順手晒冷，暫時最紅嘅有張可頤、黃日華、廖碧兒等。
首套劇集《我的男友 Mr.V》（暫名）週一（ 30日）在烏溪沙開工，老闆王維基當然緊張，朝早 7點喺青衣公司舉行拜神後，突然要求隨隊出發，仲要上午去完西貢烏溪沙，下午再到九肚山探台灣外援唐禹哲班。魔童早上到烏溪沙時，除同主角應昌佑、詩雅傾咗兩句後就行開，反而佢最關心就係兩部攝影機。未 roll機時經常走埋去望吓，又行去摸吓 啲鏡頭，他說：「呢部 ARRI ALEXA機 嚟，我買 咗 8部要成 1,600萬，連埋鏡頭要 3、 4千萬添！拍出 嚟唔只靚，仲好有電影感，我對電視乜都唔識， 嚟跟場學吓 嘢啫！」
靚嘢幾時都要時間準備，因為 ARRI ALEXA畫面細緻，連燈光亦要用更多時間準備，變相令製作成本增加。女主角詩雅首日開工，據知今次同台灣偶像唐禹哲有唔少對手戲。對於王維基用靚機拍電視，她說：「我唔識睇呀，但望落去好似真係靚啲。（覺唔覺無綫嘅攝影機渣啲呀?）吓！冇拍 TVB好耐喇，我都唔係好記得咯！」啲舊嘢，快啲洗腦囉！
荷里活神級新機
王維基拍劇落重本，除咗高薪挖角外，亦落重本買靚攝影器材。今次用 嘅 ARRI ALEXA價值 2百萬一部，王維基一買 8部連埋 100支鏡頭，加埋成 4千萬，而 ARRI香港區發言人張生話：「劉偉強好鍾意用我哋嘅機，佢話用嚟拍人特別靚，荷里活好多大片都係用我哋嘅機，我哋部機用嚟拍 3D都得！」
王維基部新機連西片《復仇者聯盟》同美劇《狙魔人》都用佢，希望出嚟質素有美劇咁精采。
無綫 40萬舊機
無綫用緊嘅係 Sony HD camera 40萬港紙度啦，燈光要求亦冇 ARRI咁麻煩，秉承無綫但求快手嘅精神。
發牌未決定
王維基未有牌就開工，不過一向愛抽水 嘅蕭若元就 喺電台潑冷水。上週三（ 25日）人網電台節目《風也蕭蕭》就話：「……似乎唔會發牌畀 3間電視台，我聽講好似中聯辦有畀壓力梁振英……因為有兩個係癲狗 嚟，李澤楷試過同梁振英作對……多 咗電視台難管……」講到阿爺唔鍾意有咁多電視台，怕佢多 嘢講喎。不過 3間新電視只有 CTI有回應，公司發言人鄭小姐表示：「王生對發牌好有信心！」係囉，唔好再一台獨大咁悶啦！
蕭若元
似乎唔會發牌
真實對白
王維基
等消息
有線發言人岑小姐表示：「暫時未有任何消息可提供，等緊政府消息。」
冇人返工
now公關表示：「啲高層放晒假喎！要過咗星期三（ 2日）先答到你！」
Orignal From: 唐禹哲詩雅拍王維基開台劇《我的男友Mr.V》
沒有留言:
發佈留言