年僅22歲的蔣家旻（Angel）於2007年出道，至今已踏入第五個年頭，回想演藝之路，原來亦有成長三部曲。Angel坦言在第一套民初劇《鐵馬尋橋》中有不少感情戲但未到位：「自己係個新人，面對咁多有經驗嘅前輩，都有啲壓力！記得有場喊戲，因為經驗尚淺，所以拿捏唔太好，睇番Playback覺得自己有好多位都流於表面，唔夠真！」不過，正因Angel深明「世上沒有免費午餐」這個道理，為了讓演技有進一步的提升，自認勤力派的她不惜用更長時間作事前準備，她說：「每次有喊戲，我都會睇完劇本之後，用早一晚嘅時間去培養情緒，然後去諗劇本應該點做，就算同其他演員排戲嗰陣，都會出盡百分之一百嘅力，唔可以怠慢。」
擔心定型 齋演少女
雖說成功非僥倖，但身處新人輩出的演藝圈，要突圍而出就需要一個機會，而在去年底播出的《天與地》，便印證Angel是新人中的幸運兒！《天與地》效應除了令劇中四位主角及主題曲爆紅外，還令劇中主角的少年版也為人熟悉，當中飾演少女佘詩曼「阿Yan」的Angel亦一度人氣急升！不過，面對突如其來的熱潮，她亦始料不及：「當時冇諗過憑呢套劇出名，因為每集最多出15分鐘，播放嘅日期都相隔咗兩年，所以期待感亦下降，但套劇出街後竟然有咁多人留意，而且反應仲咁正面，真係好開心！」雖然「少女版阿Yan」成為她人生的轉捩點，但她亦曾為角色定位而感到一絲的憂慮，Angel說：「『阿Yan』呢個角色太鮮明，驚監製以後只會搵我做少女版或者固執嘅角色。」
不過，Angel的擔心很快便抹去，因為不久後便被挑選參演現正播出的處境劇《愛．回家》，飾演主角家庭的核心成員，戲份比以往多，她說：「真係冇諗過可以有份參與新嘅處境劇！因為有180集，而且劇集中有好多家庭戲，所以曝光率亦會增多，當中亦有唔同嘅單元，可能有一集係圍繞講自己，媽咪成日都話想睇我做戲！」事業能夠穩步上揚，相信也是一般藝人的心願，究竟她會否想問鼎年底的「飛躍進步女藝人」？Angel笑言距離此目標還有一段距離：「我都想有被提名嘅資格，雖然真係好想攞，但覺得未有資格！我暫時希望演處境劇，可以令更多觀眾記得我，等我可以企穩啲，處境劇完咗之後先挑戰唔同嘅角色！」
寧缺毋濫 做到最好
外間喜歡將Angel與另一圈中小花樂瞳比較，而她亦坦言對此很理解：「其實每一個人嘅機會同走嘅路都好唔同，所以只能同自己講：『要行出一條屬於自己嘅路！』加上一日只係得24小時，就算一個人嘅能力好強，但真係兼顧唔到太多，所以不如先將手上嘅角色做好先，否則到頭來乜都做唔到一百分！」
後記：零緋聞好嗎？
圈中任何一個藝人都總有一個半個緋聞對象，但Angel卻是零緋聞，她坦言對緋聞又愛又恨：「可能自己唔惹桃花，加上合作嘅男性好少。如果劇裏有個男朋友，喺戲外都令人覺得我哋係一對嘅話，只要寫得唔太過分，其實傳緋聞都冇所謂！不過如果寫得太過火，我當然寧願實實在在，一篇都冇！」
Angel坦言第一步目標是有「飛躍進步女藝員」的提名，但不恨攞獎。
Angel（右）憑演佘詩曼的「少女版阿Yan」而成功入屋！
Angel工作量日增，獲安排參演多套劇集包括《法證先鋒III》。
Angel曾為角色犧牲色相，全因不想被定型做少女。
除了演出電視劇，Angel還有演趣劇搞搞笑。
Orignal From: 蔣家旻捱→出頭
沒有留言:
發佈留言