TVB娛樂八卦雜誌: 陳慧琳受特別優待獲無綫放生

2012年6月13日星期三

陳慧琳受特別優待獲無綫放生

「四大唱片」之一環球唱片公司和無綫就「備忘錄」事宜陷「無偈傾」地步，跟環球「結盟」的華納歌手周柏豪，方大同等卻得無綫「禮待」受訪，但主播明言未收到訪問環球歌手的通知，似明剃環球眼眉之嫌，不過環球一姐陳慧琳（Kelly）又不受限制照有訪問做。

早前曾亮相無綫遊戲節目的Kelly，出席時裝品牌活動時，「有幸」接受無綫娛樂新聞節目主持黎芷珊訪問，而黎芷珊則說：「訪問Kelly公司係柯打，佢係『special case』。」Kelly坦言知環球和無綫之間「未傾掂數」，她又說無綫有邀她演出「紅白鬥」，但詳情不知，亦會依從唱片公司指示去做。」另外，屬環球歌手孫耀威將出席亞視台慶演唱，明剃無綫眼眉。

無綫非戲劇製作總監余詠珊解釋：「其實係『環球』封殺我哋，喺娛樂新聞節目，我哋係採取開放態度，由於唔涉及歌唱演出，訪問主動權交由主持自理。」至於Kelly是「特別處理」，余就話歌手想做訪問，無綫無任歡迎。