開倉
翁美玲荷蘭前度獨家爆料：「佢自殺唔出奇」
2012年06月06日
金庸筆下最經典黃蓉翁美玲，當年靚爆電視圈， 1985年 5月 14日在九龍塘寓所開煤氣自殺，死時只有 26歲，嗰年鄧萃雯、邵美琪先啱啱入行。
27年前最紅時自殺的翁美玲， 8、 90後本來陌生，但最近翁的荷蘭籍前度 Rob Radboud，製作了一個網站紀念曾經拍拖 5年的前女友。網站內除了有近百張珍貴舊相， Rob又與網友分享翁鮮為人知的一面，上週有報章以 C1頭條報道後， 界 forum都當新料瘋傳。
網站中 Rob首度披露翁美玲早於 77年已曾服藥自殺，幸被家人發現送院。前度最後自殺身亡， Rob透過電郵向本刊獨家披露：「 I was not surprised to hear that Barbara had committed suicide.（我唔驚訝翁美玲自殺）」，證明 Rob的確很了解翁美玲。
翁母一向反對女兒同 Rob拍拖，但翁極愛 Rob，所以兩人在 79年決定到荷蘭舉行訂婚派對， Rob邀請了全部家人出席，但翁決定唔通知家人，事後更講大話指訂婚戒指只係普通禮物。網上圖片
在 Rob的電郵中，清楚指出對翁美玲自殺唔覺得出奇，似乎一早料到前度會自己了結生命。 Rob提到他有興趣知道湯鎮業（ Kent）及苗僑偉（ Michael）對佢呢個網站有何意見。
上月 14日是翁美玲逝世 27周年，由她的荷蘭籍前度男友 Rob花 3年製作的網站 http://www.barbarayung.nl，內藏近百張翁早年在英國讀書及兩人拍拖旅行時的舊照，大部分從未公開，非常珍貴。
那些年
Rob上載近百張同翁美玲的拍拖舊照，張張精采，唔怪得導致網站經常大擠塞。
Rob話同翁 嘅性格好唔同，一個隨意一個認真，但雙方從冇干涉對方生活。網上圖片
翁美玲樣靚，加上有演技， 82年落選港姐後即入無綫拍劇，短短幾年已坐正一線花旦，可惜最後睇唔開，入行三年就自殺死亡。
翁美玲同 Rob嘅家人相處融洽，更與 Rob兩個哥哥攬到實。網上圖片
Rob同翁都喜愛平淡生活，放假會去郊外野餐，或者去印度餐館食飯。網上圖片
傳過緋聞
翁美玲同苗僑偉合作過多部電視劇，包括《楚留香》，因此傳出緋聞。翁出殯時，苗亦有份扶靈。
經常嗌交
同湯鎮業拍拖期間，有傳湯鍾意花天酒地，令二人經常鬧交，翁更曾在電視城化妝間大嗌分手。
自殺有前科
翁美玲 82年參選港姐三甲不入，但 83年在《射鵰英雄傳》飾演黃蓉大受歡迎， 85年出殯時有大量粉絲到場送別。
Rob之所以成立網站，是因為多年來不斷有翁的粉絲向他詢問跟翁美玲當年拍拖的點點滴滴，為了令大家對翁美玲更了解，他於 3年前決定自製網站。 Rob與當時就讀於 Central Saint Martins College of Art and Design（中央聖馬丁藝術與設計學院）攻讀學士的翁美玲，於 76年在英國劍橋大學飯堂邂逅，起初翁母非常反對女兒與外國人拍拖，兩人惟有偷偷摸摸約會，翁更嚴禁 Rob打電話去翁家。 Rob為了聯絡對方，曾經叫的士司機不斷來回幫二人傳話，貴過講長途電話。
Rob更透露當年只有 17歲的翁美玲，為與 Rob去荷蘭度假而講大話，但後來被翁母發現，迫兩人分手。大受打擊的翁美玲，趁母親在屋外打牌，狂吞成樽安眠藥自殺，好在翁母及時發現將翁送到醫院洗胃，之後冇再強迫兩人分開。
大爆翁美玲激罕私生活
Rob花 3年時間製作網頁，其中最令人感動的，是 Rob過了 27年仍對當年與翁拍拖的點滴記憶猶新，由相識到分手， Rob詳細地記錄在網站內。得知有大量翁美玲粉絲仍掛住偶像， Rob更請人翻譯了繁體中文版本，方便全球華人更了解翁的激罕私生活。
私自訂婚
鍾意拖手
服藥自殺
定居荷蘭
Rob冇結婚
Rob於 81年與翁美玲分手後，兩人再冇聯絡，而 Rob亦於紀念翁美玲網頁透露，他與細 6年的荷蘭籍妻子「 M」並冇註冊結婚，但兩人育有 3名女兒，分別是 9、 14及 16歲。
曾於英國修讀醫科的 Rob畢業後回荷蘭發展，並在湖邊買了屋，並養了羊、豬及馬等動物，為了有更多時間陪伴家人， Rob只做兼職，現時是地區醫院的兼職經理，生活無憂。本刊亦曾透過電郵希望 Rob能接受訪問，再說多一點他的生活近況，但他說現階段不想作任何訪問。
Rob冇將近照放上網，唯一一張疑似真身只見身唔見樣，當時疑似 Rob正替女兒為馬上鞍。
Rob老婆同三個女的英文名都以 M字開頭，於網站內關於其生活一欄，絕大部分都是女兒生活照。網上圖片
鄰居秋官肥姐
被屈害死翁美玲
翁美玲於 1985年 5月 14日 喺廣播道 39號偉錦園家中開煤氣自殺身亡，震驚娛樂圈。翁美玲生性樂觀，圈中朋友眾多，正值當紅 嘅佢當時與湯鎮業熱戀，冇人估到佢會選擇自殺。所以就佢自殺原因亦有多個傳說，其中一個極之離譜 嘅版本，更牽連到秋官同肥姐沈殿霞。
網上流言，一位監犯向神父告解時透露自己曾經對翁美玲不敬，更透露事件跟秋官及肥姐有關。有人因為多口與相熟記者透露鄰居是非而得罪對方。當時翁美玲就住 喺廣播道 39號偉錦園，與肥姐秋官住同一層為鄰，肥姐因此無辜無厘頭被屈。
秋官同翁美玲曾經 喺《夾心人》合作過，二人 喺劇中飾演情侶，同劇演員仲有黃錦燊、廖偉雄、李國麟等。
翁美玲同湯鎮業呢對情侶檔極受觀眾歡迎，翁美玲死前正為新劇《橋王之王》開工，而男友湯鎮業亦係男主角，及後發生翁美玲自殺事件。改為關禮傑，張曼玉頂上，劇名亦改為《拆檔拍檔》。
肥姐、秋官圈中人緣甚廣，出名樂於助人，絕對唔會係傳聞中 嘅為人。
鄒世龍（左）當年同翁美玲亦傳出過緋聞，翁美玲自殺當日，鄒世龍亦第一時間到現場了解情況，之後更到警署落口供。
翁美玲當時住 喺偉錦園 1樓 B室，而秋官同肥姐就住 喺 A室，二人係鄰居關係。
當年跟翁美玲關係密切嘅藝人，包括男友湯鎮業及傳過緋聞的苗僑偉都沒回覆本刊求證導致翁美玲自殺傳聞，雖然湯鎮業o依家封嘴，但 05年有傳媒向湯求證翁被欺負傳聞，佢激動話呢啲傳聞一睇就知假，仲話希望大家唔好醜化翁美玲。
秋官女欣宜
冇回應
舊愛湯鎮業
冇回應
契媽李香琴
冇嘢講！真實對白
追求者鄒世龍
唔想回應！真實對白
湯鎮業侄女港姐湯洛雯
爹哋（湯鎮宗）冇同我講過！真實對白
「唔係我認識嘅 Barbara」
翁美玲選擇在入娛圈 3年事業高峰時期開煤氣自殺了結生命，當時翁被傳聞正追求她的男性朋友、現為模特兒公司 Starz People老闆鄒世龍（亦是梅艷芳、劉美君前度）發現倒臥在寓所客廳，有傳翁因與正印男友湯鎮業炒大鑊為情自殺、亦有傳翁的壓力太大引致抑鬱。
對於前度開煤氣自殺，現時已有親密女友並育有三名女兒的 Rob，接受本刊電郵訪問，透露對翁自殺並不意外，「我唔可以講太多關於 Barbara（翁）自殺嘅事，因為我哋已經分開 咗好多年，我唔知佢當時嘅精神狀態，或者娛樂圈對佢 嘅性格有咩影響。從我當時睇到嘅電視片段同相，佢唔係我一直所認識 嘅 Barbara。我可以話，聽到佢自殺 嘅消息，我一啲都唔出奇。」
君如係小三？
當年翁美玲自殺，亦有另一個版本，就係湯鎮業同翁美玲當時正冷戰，咁 啱湯鎮業同某女星游水被記者撞破，而該位女星就係吳君如。當時吳君如慘被屈做小三，遭翁美玲影迷圍攻，更令佢被無 綫雪藏。事隔多年吳君如 01年喺《減肥血淚史》第二集中有提及呢件事，她表示和湯鎮業因拍劇集《後生可畏》而成為好友，她解釋只係有一次同湯鎮業、苗僑偉及戚美珍到淺水灣游水撞到記者，絕對唔係同湯鎮業單獨游水。
當年傳出吳君如同湯鎮業有緋聞，二人亦被拍得孖咇去蒲。
吳君如 喺《減肥血淚史》一書中，講番佢同湯鎮業 嘅緋聞，佢話當年被屈，猶如被打落十八層地獄。
Orignal From: 翁美玲荷蘭前度獨家爆料：「佢自殺唔出奇」
沒有留言:
發佈留言