無綫小生花旦荒問題存在已久，近年電視大戰，資深演員紛紛向外搵食，結果令監製選角困難，早前便造就李霖恩同時在三線劇出現，情況罕見。被網友捧為「氣質女神」的苟芸慧，自奪09年華裔小姐冠軍後來港發展，最近獲無綫看重，今年播出的《當旺爸爸》和《飛虎》均有份演出，在重頭劇《怒火街頭2》中，苟姑娘戲份很重，飾演鄭嘉穎的太太，情緒起伏大兼對白多，對從多倫多來港僅三年、原本完全不懂講廣東話的她來說，可算是大挑戰。
《今日我至歪》
苟芸慧（來自多倫多）
苟芸慧嘅歪音廣東話聽到人耳都側埋，典解你可以咁飲心等低我？相信鄭嘉穎拍攝時會打醒十二分精神，如果唔係，睇怕視帝都會笑到喊呀。 電視圖片
不過，苟姑娘《怒火2》的賣力演出似乎未被認同，不少網友狠批女神演技生硬，廣東話不正，網友小美 T說：「係靚女一名，練吓啲廣東話就好。」 Cherylching則說：「每次見到佢都好討厭，冇演技嘅花瓶。」更有人覺得她煩， nickysit說﹕「聽佢講嘢真係好煩，頂佢唔順。」再加上同劇還有來自山東濟南的回族人賈曉晨、台灣的金剛及來自溫哥華的華姐冠軍岑麗香，四人的廣東話都麻麻，網友 lawcheun說：「 TVB可唔可以唔好安排咁多講廣東話唔正嘅藝人同一套戲呢？觀眾睇得好辛苦㗎。」並指要看字幕才能了解劇情。
岑麗香（來自溫哥華）
電視圖片
金剛（來自台灣）
電視圖片
賈曉晨（來自山東）
電視圖片
金剛疑爆粗
曾上過語言治療班的苟姑娘，昨日在電話中直認已努力改善，她說：「希望大家睇到我嘅進步，唔好咁執着某啲位。」對於有四名廣東話不正的演員在同一劇集出現，苟姑娘笑說：「我覺得阿 Joe（監製）都幾勇敢，畀新人咁多機會，令套劇好國際化。」
金剛昨日在銅鑼灣出席有份配音的動畫《森美海底歷險2》首映禮，他笑說：「我配音做海馬，都唔明點解搵個廣東話唔正嘅人配卡通片，我都驚變咗粗口，好彩有老師教。」此外，金剛在第三集《玩轉三周1/2》中因口音唔正而疑似爆粗，當時他正在唱《舊歡如夢》改編歌詞，唱到「只怨愛海起風波」時，他一度將「海」字講成粗口。
Orignal From: 《怒火街頭2》驚現鄉音四人組 苟芸慧被批唔知噏乜
沒有留言:
發佈留言