老友出頭鬧爆 林峯混賬五角
近日獲封為「 TVB三狼」的黃宗澤、吳卓羲、林峯，因連環被踢爆「享受」大陸乳牛，搞到形象破產。玩 34E柳岩玩到甩拖的 Bosco，為挽救形象，大話連篇，更厚住面皮求胡杏兒幫忙夾口供，企圖掩飾爛滾真相；另一邊廂，偷食國產有錢女的吳卓羲，以為浪子回頭會得到張馨予原諒，天真到飛去北京箍煲；至於衰過都未知驚的林峯，繼續放女入屋通屋影相。色字頭上一把刀，三狼樂此不疲，攞嚟衰！
三狼亂晒龍
「無綫三狼」黃宗澤、吳卓羲及林峯過去多年食女無數，由陀地港女食到大江南北，更食出七國咁亂男女關係。
繼去年流出與潘霜霜同床照後，林峯最近再被踢爆搞上國產 Baby劉羽琦，連同撻着已經有個拍拖年半男友的電影新人吳千語，兩女在手的林峯依然未滿足，暗交馬來西亞籍十七歲學生妹 Vivian Loke。
堂哥一拖三，雖然有林夏薇出面掩護又力撐他規行矩步，林峯更裝作跟劉羽琦唔熟，但有睇唔過眼的內地好友，忍唔住替劉羽琦出頭，主動接觸本刊，將她在林峯家玩雪橇犬的密照公開，力證林峯講大話。
俾隻狗出賣咗！（設計對白）
公開密照
被前度潘霜霜公開怒斥花心，一腳踏幾船偷嗒 MV對手陳嘉桓後，喊住話要收心工作的林峯，近日又再有「傑作」！
先被揭發跟電影《男人如衣服》女主角吳千語撻着約會，再踢他去年底搞掂國產 Baby劉羽琦，雙雙返廈門家鄉度聖誕；並在林峯堂妹林夏薇掩護下，多次上男友帝景園屋企留宿。
連日來，林峯堅持唔認賬，但劉羽琦好友、國內藝人鄭蘊宬卻出面力證他無句真。
同一隻狗
20歲劉羽琦
去年中陳嘉桓跟林峯撻着，不單有二人在機艙親密照流出，更有女方在林峯家玩狗的照片。
「他們是在李晨（張馨予現任男友）的生日派對認識，當時我也在場。林峯好小心，一早表明不會拍照，大家沒拍到照片，但我知道他認識羽琦後，就狂追她，二人在廈門過聖誕。其實一班朋友都不支持他們拍拖，林峯愛玩消失，拍拖都是見不得光地方，不是他家，就是工作室，還有他朋友的錄音棚。為什麼拍拖要這樣偷偷摸摸，羽琦是很愛林峯，實在狠不下心分開，羽琦每次到香港看林峯都是自費，到現在他卻裝作不認識她，這樣虛偽的人，我實在看不過眼。」
19歲吳千語
17歲 Vivian
鄭蘊宬為替好友申寃，更將劉羽琦年初來港在林峯家過夜，翌日早上發給他抱住林峯愛犬的照片公開，鐵證二人拍拖是事實。
好友為自己抱不平，在國內的劉羽琦說：「因為他（林峯）說之前吃虧，所以拍拖都很小心。（你發了一張跟林峯愛犬的照片給朋友？）對呀！我愛跟朋友聊天。（林夏薇說跟妳不熟悉？）這個人，不說了。」之後便以開會為由掛線。
踢爆林峯出席李晨生日派對。
鄭蘊宬跟劉羽琦是好朋友，曾演出電影《楊門女將》及內地劇《北京愛情故事》。
劉羽琦今年初在林峯家過夜，翌日抱「林狗」跟好友鄭蘊宬對話，表示林峯離家開工，她一個人感到不安，要好友安慰。
千語劈腿
林峯多女！與他合作電影《男人如衣服》撻着的十九歲新人吳千語，同樣愛玩劈腿。
「好多朋友都知，佢同王愛倫細仔 Derek拍咗拖一年半，雙方仲見晒家長，又成日一齊旅行，但佢同林峯拍戲日對夜對，個男嘅又咁識 氹女仔，佢瞞住男友玩吓唔出奇。」知情者說。
劉羽琦因身材正又肯性感，連接錢國偉兩部電影，早前不時來港開工。（《蘋果日報》圖片）
吳千語（中）跟王愛倫兒子 Derek（右一）到外地旅行，明知有鏡頭對住， Derek都忍唔住錫女友。
吳千語跟林峯合作電影《男人如衣服》撻着，有指兩人在片場不時坐埋一邊密密傾。
嗒學生妹
一腳踏兩船好濕碎，據知林峯半年前搭上一個年僅十七歲學生妹 Vivian，二人在夜場認識，女方還不時在朋友圈中炫耀，聲言每個禮拜平均兩晚，上林峯屋企過夜。致電 Vivian求證跟林峯拍拖一事，她驚青反問：「你喺邊度聽番嚟？」食女同執樣，林峯同樣停不了。
今年 4月，林峯跟友人以及林夏薇到中環 Armani Bar夜蒲，之後林夏薇先行返林峯帝景苑豪宅，原來她做先頭部隊接劉羽琦返屋企，她更邊行邊聯絡對方。
第二頁：Bosco求杏兒俾假口供 吳卓羲赴京請罪
Bosco求杏兒俾假口供
因為連環嗒三女被胡杏兒狠撇的黃宗澤，開口埋口想復合，其實零箍煲行動，又怕分手新聞會對自己不利，索性在傳媒面前扮「情聖」，想過同胡杏兒結婚，又放風稱較早前買了一份巨額保險，受益人是胡杏兒，講盡大話保「好男人」形象。
同時， Bosco更加厚住面皮搵「樂大媽」（樂易玲）幫拖，氹胡杏兒俾假口供，掩飾偷食真相。
為保形象， Bosco厚住面皮求杏兒幫手夾口供，隱瞞分手真相。
俾Bosco再三背叛，杏兒卻有口難言，在接受傳媒訪問時忍唔住落淚。
近日，《金玉滿堂》劇組不斷發放杏兒同黃少祺的親熱劇照炒作緋聞，杏兒終忍不住在微博發火。
「分手後阿 Co（指 Bosco）同杏兒一直冇聯絡，直至東窗事發，阿 Co就搵樂小姐傳話，叫杏兒唔好爆佢有第三者。佢喺查小欣訪問度講晒大話，話自己有同杏兒聯絡，商量點樣交代分手件事，實情根本冇，佢只係一直靠樂小姐做傳聲筒。至於佢話杏兒攞視后嗰陣，大家感情已經出問題，其實嗰段時間佢兩個仲好好，但之前送樓、送車嘅新聞亦同事實有出入，阿 Co淨係俾咗架車九萬幾蚊首期，其餘嘅錢係杏兒自己供。」知情者說。
徹底死心
一直錫仔唔錫女的「樂大媽」，得知寶貝仔出事，除了幫手勸胡杏兒封口，更第一時間撲出來幫 Bosco講好說話，可惜愈幫愈忙，錯口話 Bosco「細個嗰陣沙沙滾」。而胡杏兒眼見前度為了推卸分手責任講大話扮情聖，更加死心，但念在八年感情，亦勉強答應封口不提分手真相。
「見到阿 Co咁樣講大話唔認衰，杏兒其實好委屈，最初亦有諗過出嚟清楚交代分手原因，但樂小姐幫到口，杏兒最後應承唔會踢爆阿 Co，但底線係杏兒唔會否認有第三者存在，咁已經係佢最大讓步。」
「情聖」部署失敗， Bosco怕日後風流史愈爆愈多，亦自行收口。上週五（七月廿七日）， Bosco現身機場出發到台灣拍劇，指「事情應該告一段落」，唔敢再多講。
至於有傳胡杏兒在蘇州拍《金玉滿堂》與台灣小生黃少祺撻着，劇組更加校啱時間發放二人激嘴劇照炒作新聞，胡杏兒終忍不住發火：「我不說不代表我是啞巴，放過我們吧！」
「國產乳牛」柳岩與 Bosco在內地拍《麵包樹上的女人》撻着，但柳岩接受訪問時聲淚俱下死撐自己不是「小三」。
負荊請罪
胡杏兒一刀切！無綫另一小生吳卓羲亦難逃一劫，近日再度跌入「桃色陷阱」，被「隱形富豪女」玩謝。有指他背住女友張馨予，不斷傳短訊、錄音、裸照給對方「撩上床」，張馨予得知真相後，傷心欲絕，揚言要洗走與 Ron的「愛的紋身」，一刀兩斷。
「樂大媽」得知寶貝仔玩女惹禍，即刻幫忙講好說話，可惜愈幫愈忙，口快快踢爆 Bosco「沙沙滾」。
「上次馨馨高調宣布分手，其實係想 Ron着緊佢多啲，佢兩個本來已經好番， Ron仲同佢求婚。追有錢女單新聞見街前一日要開工， Ron都即晚飛北京搵馨馨解釋，話同個女仔冇關係，冇見過面，只係喺電話玩吓！又話最愛係佢，仲話可以搵個女仔出嚟當面解釋清楚，但馨馨全部聽唔入耳。」張馨予身邊人說。
箍煲唔成，吳卓羲唯有向「富家女」埋手，要求對方幫手澄清，但據知對方一直唔甘心做張馨予後備，於是趁即將移民離開是非圈，先下手踢爆阿 Ron縱慾生活。
「 Ron向個女仔求救，叫佢出嚟澄清，話大家只係朋友身份 send短訊，其實個女仔只係敷衍佢話幫手，第二日 Ron好老定咁同啲記者講，話個女仔會發聲明，結果當然冇件事啦！人哋一心想報復，點會幫！」
近日再度跌入「桃色陷阱」的吳卓羲，被一名「隱形富家女」踢爆不斷以短訊、錄音、裸照引誘上床。
本週一（ 30日）下午四點，吳卓羲駕車往亞皆老街附近油站入油時，不斷 send短訊，全程愁眉苦臉。
醜聞爆出前一日，吳卓羲專程飛往北京搵張馨予備案兼解釋，可惜女方唔領情，更揚言要洗走腰間「愛的紋身」（ Ron）。
吳卓羲出事後，舊愛官恩娜即借機「抽水」，在微博講風涼話：「世人終於知道真相了！我也愛過疼過！最終都是受傷離場！」
Orignal From: 小生色劫 劉羽琦入屋玩林峯狗 黄宗泽求胡杏兒俾假口供
沒有留言:
發佈留言