《戀愛季節》吳卓羲汗臭嚇窒徐子珊

吳卓羲（ Ron）和徐子珊昨日在九龍塘為新劇《戀愛季節》拍攝煞科戲，劇情講述有神秘人用車撞向 Ron和子珊， Ron即飛身撲前保護伊人，令自己倒地擦傷。戲中 Ron表現神勇，不用埋位卻有苦自己知，由於昨日戶外氣溫高達35度，穿着兩件恤衫的 Ron熱到汗如雨下，被穿上清爽夏日紗裙的子珊嫌棄，子珊笑着說：「佢好大汗一陣味，行埋嚟我即刻推開佢。」有份演出的李綺雯更慘情，自爆為配合劇情要戴假髮，熱到生頭瘡。


吳卓羲拍攝飛身撲救子珊戲，完全沒有被桃色新聞拖累工作。


子珊嫌吳卓羲大汗，不用埋位即保持距離。

開工忘情

最近無綫小生花旦輪流爆發桃色新聞，胡杏兒更疑壓力太大有輕微鬼剃頭， Ron驚嘆表示﹕「唔係嘛？應該唔會，佢入行咁多年，應該乜嘢壓力都遇過，應該冇問題。」 Ron直言在娛樂圈食得鹹魚抵得渴，即使負面新聞再多，寧願埋首工作積極面對。

有消息指 Ron與郭政鴻在中環私竇 mark女玩，他否認：「我哋係朋友，但唔需要去呢啲地方，我去嗰啲只係朋友開嘅酒吧，絕對唔會係色情場所，我都會顧形象，唔需要回應太多。」幾時再闖情關？他說：「暫時唔考慮拍拖住，做好工作先。」他透露今日將開始拍《衝上雲霄 II》，完全沒有時間休息。

子珊同樣會用工作來減壓，笑言自己是癲人，做演員是發洩情緒的最佳方法。今屆港姐被指質素欠佳，子珊笑說：「年年都咁講，我當年都俾人話，身心受損。」

採訪：嵐山　攝影：陳慧安

---

Orignal From: 《戀愛季節》吳卓羲汗臭嚇窒徐子珊