黎耀祥馬賽蕭正楠《神探高倫布》拍攝

祥仔狠心糟質　馬賽見紅

由黎耀祥、馬賽等主演的新劇《神探高倫布》前晚在清水灣補拍戲份，戴上假髮及穿了大褸的祥仔在現場熱到大汗叠細汗，難怪他禁絕妻兒探班。而馬賽在劇中更慘被祥仔整蠱，搞到腳插木板，當場流血收場。

由黎耀祥、馬賽、蕭正楠等主演的新劇《神探高倫布》前晚在清水灣某釀酒廠補拍戲份，劇情是講述馬賽升職，但祥仔卻整蠱她，令她落漠地跌倒腳插木板，當場流血收場。

前晚穿上60年代警察服的馬賽和蕭正楠在現場投入拍攝，馬賽因受傷在現場不斷驚叫，配上腳上的傷口化妝及道具血液，傷勢幾何亂真。


祥仔在劇中整蠱馬賽，令她腳插木板受傷。


今日我至誘
以為馬賽拍緊《制服誘惑》，佢含情脈脈咁色誘蕭正楠，腳板又猛滴血，真係集香艷與血腥於一身。


穿大褸及戴假髮的祥仔狂標汗，要吹風扇消暑。

拍劇辛苦匿埋喊

近日天氣炎熱，穿上大褸及戴上假髮的祥仔苦不堪言，全程汗流浹背，更不時拿住風扇消暑，他說：「因為馬賽成日想邀功，所以我成日設局令佢受苦，但最後都會英雄救美，會拖住佢行，家同佢感情都 OK，講佢好崇拜我，而且佢好聰明、努力，乜都肯學。」因為現場環境惡劣，加上滿佈蚊子，故祥仔嚴禁太太和兒子前來探班，以免成為蚊子的晚餐。

馬賽前晚拍完落雨戲後即要見紅，她自言拍此劇十分艱辛，她說：「之前喺荒山野嶺拍打戲，第日真係唔夠氣，媽咪煲蟲草畀我，但我唔敢喺人面前嗌辛苦，亦都有喺背後偷偷喊過一陣。」

---

Orignal From: 黎耀祥馬賽蕭正楠《神探高倫布》拍攝