[22:00] 2012/06/12
【on.cc 東方互動 專訊】 陳豪與蔡少芬、伍詠薇等由橫店趕到上海出席電視節活動，宣傳新劇《金枝慾孽貳》，一向甚愛飲咖啡的陳豪，陳豪為了讓大家提起精神，特別炮製加料咖啡給眾人提神，怎料卻令他們在四小時的車程中不斷去廁所，認真好心做壞事，難怪蔡少芬（Ada）事後都忍不住幽陳豪一默：「杯咖啡認真利尿！」
黃德斌（左起）、蔡少芬、陳豪及伍詠薇趕到上海為劇集宣傳。
蔡少芬聲沙沙，原來帶病出席活動。
上海電視節：黃宗澤身價直逼鄭嘉穎
[22:10] 2012/06/12
【on.cc 東方互動 專訊】 黃宗澤（Bosco）與內地女星唐嫣到上海電視節宣傳《麵包樹上的女人》時笑言有加片酬，問到是否跟視帝鄭嘉穎一樣廿萬一集？他說：「附近啦！冇佢咁勁！（儲老婆本？）多啲都好，個底厚啲！」他自爆跟唐嫣有咀戲，但不用向女友杏兒備案，又否認買求婚戒指。
而鄭嘉穎及杏兒則先後在樂易玲陪同下出席不同的內地劇宣傳活動，嘉穎現身劇集《萬水千山風雨情》活動時，得知Bosco片酬達廿萬即笑說：「衰仔搵咁多o既？都啱o既！咁要請食飯啦！」在旁的樂易玲踢爆嘉穎希望買三棟別墅，尷尬不已的嘉穎說：「老細，你講埋落去喇！」之後他才解畫：「想分別買畀媽咪、自己同第時個仔。（搵女友？）依家所有理想都喺晒大陸，但未搵到女友。（約佘詩曼飯局？）唔會，避免無謂花邊新聞。」
黃宗澤與女友胡杏兒前後腳到場，緣慳一面。
鄭嘉穎被樂易玲篤爆想買二棟別墅，十分尷尬。
黃宗澤的身價直逼視帝鄭嘉穎。
上海電視節：杏兒阿佘鬥快買豪宅
[22:16] 2012/06/12
【on.cc 東方互動 專訊】 胡杏兒到上海電視節宣傳《金玉滿堂》時被樂易玲踢爆她乃TVB花旦中叫價最高一個，令伊人笑晒口默認。杏兒稱不敢再加價，並透露拍了兩套內地劇已可買千萬豪宅：「都睇咗心水盤，香港冇過千萬買唔到樓啦！（同Bosco住？）冇預佢！會同八隻貓同姐姐住。（佢儲老婆本？）都唔一定係（娶）我！」阿佘宣傳《嫁入豪門》時，表示替TVB同僚有錢賺開心，問她是否亦買到豪宅？她說：「睇每個人心水啦！（拍幾多套就買到？）一套都買到。」她又否認舊愛陳浩民搬近其片場，反而曾與《金枝》監製戚其義食飯，問到感情生活，阿佘直言一片空白。
阿佘為TVB舊同事齊齊搵大錢而高興。
杏兒正在物色心水豪宅，但直言冇預男友份。
杏兒一到場記者就蜂擁而上，非常受歡迎。
Orignal From: 上海電視節 黃宗澤身價直逼鄭嘉穎 杏兒阿佘鬥快買豪宅
沒有留言:
發佈留言