無綫近日雖備受內憂外患困擾，但主席邵逸夫及副主席方逸華前晚依然輕鬆出席頒獎禮活動，面對挖角潮提問，六嬸只以「thank you」從容作答。據知六嬸之所以定過抬油，皆因全線當紅小生花旦包括陳豪、黎耀祥、鄧萃雯及宣萱等有合約在身「插翼難飛」，加上無綫高層密謀力捧第二代小生花旦包括陳法拉及馬國明等接棒「救火」，無綫電視王國地位似乎未會輕易動搖！
六叔及六嬸恩愛十指緊扣現身，年屆103歲的六叔精神十分之好。
無綫主席邵逸夫與副主席兼董事總經理方逸華，前晚盛裝出席《2011年邵逸夫獎頒獎禮》。六時半抵達現場的六叔六嬸，十指緊扣現身，恩愛非常，身穿西裝的六叔，更表現得精神奕奕。二人與演講嘉賓合照過後，六嬸即全程傍實六叔，但一眾無綫高層如陳志雲及李寶安卻未見影，似有心避風頭。由於近日無綫鬧至滿城風雨，最備受關注的，絕對是台前幕後遭城市電訊高層王維基大規模挖角的問題，有記者仍隔空追問二人會否擔心挖角潮？六嬸則簡單以「thank you」作答，表現從容。
高層聯手抗敵
據知六嬸表現「定過抬油」，全因無綫的一線小生花旦包括陳豪、黎耀祥、鄧萃雯及宣萱等全遭長約困身「插翼難飛」，加上自挖角潮後，暗地不和的高層竟團結起來聯手抗敵，如此上下一心，六嬸自然大感安慰。
消息人士又指，無綫同時積極力捧第二梯隊藝人接棒，並將目標鎖定五生五旦：陳法拉、胡杏兒、徐子珊、鍾嘉欣、陳茵媺、馬國明、吳卓羲、陳展鵬、麥長青及黃浩然。據知這批藝人將在無綫來年推出的重頭劇中擔大旗，包括《金枝慾孽2》、《名媛望族》、《大太監》、《呂后》、《造王者》、《On Call 36小時》、《衝上雲霄2》等。無綫此舉明顯鋪定後路，以防有一線小生、花旦離巢而鬧小生或花旦荒。知情人士又指，無綫更視11月舉行的節目巡禮為「打仗」頭炮，破天荒派出兩大製作部總監曾勵珍及梁家樹監控相關宣傳片，揼本拍攝高質素宣傳片向王維基「示頭威」。
Do姐誓死效忠
至於老臣子的誓死效忠，亦令六嬸安心不少。繼早前汪明荃以鎮台之寶身份穩定軍心後，同樣是無綫之寶的鄭裕玲（Do姐）昨晚為邵逸夫頒獎禮活動擔任司儀時，亦揚言雖有收到短訊但絕不過檔：「由佳視到無綫已經有30幾年，無綫對我好好，拍劇同做主持畀好多機會我，好多嘢唔鍾意都可以唔做，自由度高，合作愉快，無綫就好似半個屋企咁。（覆王維基？）唔會覆佢，呢度咁好，其他電視台一定唔會再諗。」她又勸喻藝人要一條心：「你要簽咗約，無綫知道你個心喺度先會捧你。」
不過，據知無綫之前重點鎖定要挽留的馬浚偉及力邀回巢的林保怡尚未落實是否効力，二人更拒絕為節目巡禮拍攝宣傳片。至於蔡少芬的丈夫張晉昨日出席活動時表示太太暫不會拍劇：「佢忙緊湊女，仲餵緊人奶。」他又代太太稱沒收到挖角電話及短訊。
王維基又爆新招 任有約藝人拍無綫劇
城市電訊高層王維基昨日又爆「新招」，據知早於數月前已開始挖角行動的他，除以銀彈利誘藝人加盟外，更以自由度極高條款作餌，若無綫對已簽約旗下藝人有興趣，該名藝人可自由選擇是否幫無綫拍劇。對此王維基直認不諱：「依家都有藝人under我哋公司management，但係準備返無綫拍劇㗎。要呢行健康發展，就應該畀藝人自由發展嘅空間。」無綫外事部副總監曾醒明從記者口中知悉「新招」後，即暗寸王維基做法說：「無綫係負責任嘅上市公司，對社會有承擔同尊重合約精神，既然有人簽咗另一間公司，無綫係唔會奪人所好嘅。」
昨又有消息指，佘詩曼効力城電機會極高，皆因她現時接拍的內地劇《建元風雲》正是由與王維基有合作的公司負責「搭路」，向王維基求證佘詩曼是否已加入城電？他只稱無可奉告。
有指王維基前日見過元華與毛舜筠，元華承認曾與對方見面，但只是傾了很初步的價錢條件，正開緊內地劇的他，揚言王維基出手雖高過無綫，但未及他現在拍的內地劇價錢，故仍在考慮中。毛舜筠則笑言被影到相才會回應是否見過王維基，記者再問若王維基找她加盟會否心動？毛舜筠表示要看天時地利人和。
自覺冇份攞視帝 張智霖考慮出走
張智霖（Chilam）昨出席活動時直言與任何電視台都有合作可能，問他會否相助無綫時，他坦言：「最緊要係睇劇本，如果冇好故事，所有嘢都係徒然，我要同觀眾交代。」他主演的《魚躍在花見》全年收視成績名列前茅，Chilam謂：「呢啲嘢係粉絲畀我嘅，同TVB無關。（有信心攞視帝？）我又唔係佢哋個親生仔，我唔覺得會有份囉。咁多年我攞過啲乜獎呀？但都唔會為攞獎而去工作。」
據悉，無綫連月來向Chilam落足嘴頭游說再拍劇，近日更誠邀他於重頭劇《衝上雲霄2》內擔演重角，但Chilam明言還在考慮中。
無綫震怒追緝「內鬼」
正申請免費電視牌照的城市電訊王維基近期不斷招兵買馬，王維基除了親自出馬約見藝人如林保怡、元華等人外，向來招數創新的他近日更以短訊向無綫台前幕後進行「挖角」。
據悉除了逾百無綫藝人收到短訊外，連大批幕後人員包括導演、編劇等亦集體收到「挖角」短訊。據知無綫高層對於對方能掌握屬內部文件的台前幕後聯絡名單大感震怒，現正循兩大方向追查，首要除進行內部徹查追緝「內鬼」外，亦不排除是轉投敵陣的離職員工洩露機密。
Orignal From: 高層聯手抗敵拍巡禮宣傳片
沒有留言:
發佈留言