「純過蒸餾水」的馬賽，在《不速之約》中獻出螢幕初吻給「魔鬼」林峯，處女下海的她十分驚慌，幸而最終一Take過搞掂！文：影視組
向來形象乖乖女的馬賽，在劇集《不速之約》中飾演一名港女，亦如一般「港女」般情迷「魔鬼」林峯。雖然「神女有心，襄王無夢」，但她Never Mind，更主動獻出螢幕初吻，務求用愛阻止林峯加害歐陽震華（Bobby）飾演的兄長，她說：「雖然係蜻蜓點水，但第一次拍咀戲真係好驚！」她解釋早前與吳卓羲在《女王辦公室》中齋錫面，今次才獻出「肉嘴」冧林峯，幸最後一Take過。
問到有否尷尬？她笑言作為專業演員「話嚟就嚟」，她說：「不過阿峯好高，我咁細粒咀佢有難度。（好咀？）太緊張喇！唔記得！ 」
情迷Bobby
此外，馬賽表示兒時經常以「電視撈飯」，能與偶像Bobby合作大感高興：「我成日睇佢做戲，連阿爸都笑我話『有乜咁好睇』？（Bobby成日『爆肚』喎？）我都有玩佢，有次拍食飯戲，我自己扮埋門鐘啲『叮噹 』聲，笑到Bobby哥噴飯，所以佢哋之後見親我就嗌『叮噹』！」雖然頻頻拍劇，但她坦言獎項只是其次，只望大家看見她進步。
馬賽處女下海拍咀戲十分驚慌，幸而一Take過搞掂。
歐陽震華（左起）、林峯、馬賽和楊怡，在劇中大鬥演技。
馬賽每次拍劇均會向老師請教廣東話，難怪進步神速。
馬賽能與偶像Bobby合作，大感興奮。
Orignal From: 馬賽第一次獻林峯：好驚
沒有留言:
發佈留言