2011年9月16日星期五

Mandywong kiss馬國明 On Call

轉走「大個女」路線的黃智雯,最近不但經常性感示人,更在劇中連環啜!繼與袁偉豪拍激咀戲後,前晚她又與同劇的馬國明拍咀戲,更啜到面凹凹,事後馬國明激讚她好咀,坦言非常回味!

馬國明與黃智雯(Mandy)前晚為新劇《On Call 36小時》拍攝接吻戲,極入戲的Mandy啜到面凹凹,吸引大批街坊圍觀!對於曾與袁偉豪激咀的Mandy堪稱「老手」,馬國明笑說:「佢經驗唔夠我多,我喺《談情說案》錫過4、5個女仔,佢哋笑我一次過錫晒啲Quota!不過我好耐冇拍咀戲,有啲緊張!」

至於Mandy則透露螢幕初吻獻給羅仲謙,問到誰最好咀,她笑說:「羅仲謙水潤啲,袁偉豪就有感情啲,馬國明就Dry啲囉!佢個人都好Dry!」馬國明聞言即笑說:「但係我覺得你好好咀呀!令我好回味。」

呻見財化水

此外,對於馬浚偉不滿無綫不重視劇集《紫禁驚雷》,同是該劇男主角的馬國明說:「可能因為《潛行狙擊》有電影要開,所以公司擺多啲宣傳喺度。」他坦言在商言商亦無話可說,並說:「馬浚偉一向口直。(佢有冇同你提過會提早解約?)之前我哋有傾偈,佢話內地有好多公司搵佢。」有指馬浚偉不滿無綫為他推掉內地劇,馬國明即自爆無綫也曾為他推掉兩套劇,令他錯失「搵人仔」的機會,非常可惜!

馬國明與黃智雯在球場激咀,圍觀的街坊睇到笑騎騎。

馬國明與黃智雯在球場激咀,圍觀的街坊睇到笑騎騎。

黃智雯啜到面凹,事後馬國明大讚回味。

黃智雯啜到面凹,事後馬國明大讚回味。

馬國明自誇經驗豐富,但咀黃智雯前依然緊張。

馬國明自誇經驗豐富,但咀黃智雯前依然緊張。

大個女的黃智雯近月不時打大心口,更成為接吻戲高手,難怪馬國明嗒糖!(資料圖片)

大個女的黃智雯近月不時打大心口,更成為接吻戲高手,難怪馬國明嗒糖!(資料圖片)

Orignal From: Mandywong kiss馬國明 On Call

沒有留言:

發佈留言