Ben早年於《真情》飾演的容向海深入民心，令大家都覺得他是好男人。直至最近播出《潛行狙擊》，他飾演的黑社會大佬及臥底角色「辣薑」再度掀起熱潮，不少網民連他的衣着均有留意及評論，令他大感鼓舞。
做到唔知自己做乜
Ben表示：「呢幾年我有好多嘗試，唔只係做好人，不過我真係少做呢類角色，做蠱惑仔係第一次，可能監製覺得我個樣亦正亦邪，編審曾經同我哋講過，今次卡士係完美組合。」Ben又指演臥底角色就如同時演幾個角色一樣：「一個臥底係經常做緊戲，做到唔知自己做緊乜，唔知自己係邊個。」
黃智賢透露「辣薑」之後會因權力問題，寧願做黑社會，向警隊辭職。
與劉松仁擦出火花
雖然Ben與飾演Madam的陳法拉對手戲不多，但他力撐對方封視后：「法拉嘅演技同表現大家都有目共睹，而且今次佢呢個角色都好強，我睇好佢。」至於首度合作的劉松仁及黃宗澤，Ben則指合作感覺既刺激又新鮮，更力讚松哥是好前輩：「試過有啲場口我同松哥係放低劇本，大家互相撞對白，我會咁講，你會點答？導演又肯畀空間我哋，真係過足戲癮，好有火花。」Ben又稱喜歡黃宗澤的角色，曾經很想與對方交換。
陳法拉演技出色，被黃智賢睇好封后。
黃智賢與劉松仁合作獲益良多。
網民熱論「辣薑」的衣着及小動作。
Orignal From: 黃智賢辣薑臥底
沒有留言:
發佈留言