2011年9月8日星期四

《潛行狙擊》結局率先爆 跛Co殺Madam Jo償命

《潛行狙擊》結局率先爆
跛 Co殺 Madam Jo償命


無綫 30集人氣劇《潛行狙擊》上周平均獲 200萬家庭觀眾捧場,噚日 myTV播第 27集,點擊率超過 160萬,排名 No.1,氣勢如虹。不過 Laughing謝天華同跛 Co黃宗澤正邪鬥法咁耐,都係時間講拜拜,今晚無綫會連播兩小時大結局,仲會安排全劇演員晒冷,喺九龍灣同 200名現場觀眾一齊睇跛 Co點死。

可可係警方卧低


今次《潛行》叫好又叫座,聽聞無綫有意開第三輯,不過最重要都係睇埋結局口碑。其實網民好鍾意競猜劇中誰是卧底,所以劇組一早拍定兩個結局,未曝光嘅結局會喺今晚《東張西望》率先播出,原來劇情係講徐子珊飾演嘅大律師可可係終極無間道,佢係警方卧底,但又真心鍾意社團大佬跛 Co,可惜佢知道呢段愛冇明天,與其男友要坐監,倒不如手刃至愛,親自開槍殺死跛 Co。

跛 Co黃宗澤為上位不擇手段,宅男心愛嘅 Madam Jo陳法拉今晚將會慘死。劇照

跛 Co黃宗澤為上位不擇手段,宅男心愛嘅 Madam Jo陳法拉今晚將會慘死。劇照



跛 Co要開槍殺可可徐子珊(右),但佢專登射歪,救番愛人一命。

跛 Co要開槍殺可可徐子珊(右),但佢專登射歪,救番愛人一命。

跛 Co最後由 Laughing謝天華(右)替天行道埋佢單。

跛 Co最後由 Laughing謝天華(右)替天行道埋佢單。

Laughing殺跛 Co


Laughing隊冧跛 Co坐監,但佢喺獄中又有奇遇。

Laughing隊冧跛 Co坐監,但佢喺獄中又有奇遇。

至於真正出街嘅結局就啱啱調轉,可可因為知道國際販毒集團嘅秘密,集團主腦逼跛 Co殺可可,好彩跛 Co知道女友嘅心臟位置異於常人,所以徐子珊中槍後跌落海都逃過一死,被蠟青 MC Jin救番。不過跛 Co壞事做盡,佢喺 Laughing面前殺死 Madam Jo陳法拉, Laughing要為愛人報仇隊冧跛 Co,其後 Laughing坐監,喺獄中又遇上神秘人,而呢幕戲就正正係《潛行》電影版嘅開場引子,都幾引人入勝。

Orignal From: 《潛行狙擊》結局率先爆 跛Co殺Madam Jo償命

沒有留言:

發佈留言