2011年9月2日星期五

《金枝慾孽2》新加入黎耀祥、鄭嘉穎、邵美琪

忽然1周 第840期

娛一叮


辭演《金枝慾孽 2》 蔡少芬停工一年餵奶


2011年09月02日

蔡少芬今年五月以 38歲高齡誕下女兒張楚兒,昔日搵錢至上,現在卻變成有女萬事足,聲言全力停工湊女。撞啱金牌監製戚其義開拍重頭劇《金枝慾孽》續集,開聲預留最大發揮的奸角俾蔡少芬,她都不為所動,更開出除非不用返內地拍攝才作考慮的條件,蔡少芬如此堅持,原來是為了女兒的健康着想,決定餵人奶餵足一年——母愛真偉大!

蔡少芬( Ada)近年為賺人仔,唔俾無綫箍住,一直只跟娘家簽部頭合約,去年中更跟合作十二年的經理人 Helen結束賓主關係,自己接 job,袋多一筆。年初,她頂住四個月身孕,在橫店拍攝大陸劇《後宮.甄嬛傳》,為搵錢好搏命。不過,今年五月誕下九磅巨 B楚兒後,初嚐為人母親滋味後,竟然湊女湊上癮。

老公張晉揸定車泊喺門外,等候老婆,蔡少芬抱女上車時,不用身都輕易露出事業線,非常澎湃。
8月 20日 抱女谷胸
老公張晉揸定車泊喺門外,等候老婆,蔡少芬抱女上車時,不用身都輕易露出事業線,非常澎湃。

工作狂嘅蔡少芬,未生前本來打算產後極速修身,三個月後復出銀,但最近突然決定停工,只間中出席廣告活動,目的是想盡量留港餵人奶,直至女兒一歲為止。其好友透露:「餵人奶好困身,一日餵七餐,半夜又要起身餵,但蔡少芬話為咗個女健康,寧願自己辛苦啲。佢見楚兒大得好快,好吸收,一百日已經差唔多二十磅,話咩都抵番晒。」

至於搵錢大任就由老公張晉接棒,武夫出身的張晉,最近密密做,不但錄歌打算出唱片,又轉型練舞演出東方衞視《舞林大會》,又客串王晶電影《爛賭夫鬥爛賭妻》。

8月 20日,蔡少芬帶女兒出街,由家門行上車雖然只有幾步路,一直用手為女兒擋太陽。女兒在慈母的人奶谷肥下,手腳強壯肥嘟嘟,非常可愛。
8月 20日,蔡少芬帶女兒出街,由家門行上車雖然只有幾步路,一直用手為女兒擋太陽。女兒在慈母的人奶谷肥下,手腳強壯肥嘟嘟,非常可愛。

湊女心情靚,素顏的蔡少芬一樣神采飛揚,以往 cool爆的她,臨走更與記者揮手講拜拜。
湊女心情靚,素顏的蔡少芬一樣神采飛揚,以往 cool爆的她,臨走更與記者揮手講拜拜。

桃紅母女裝


蔡少芬每次出外定必帶埋女兒,唔捨得將她留在家中。 8月 20日,蔡少芬一家三口連同陪月三姨由元朗寓所出發,出席友人女兒一歲的生日派對,蔡少芬更把女兒打扮成 pink lady,戴上鮮艷桃紅色頭箍,跟自己一身橙紅 sharp爆裝束,母女襯到絕。

之後蔡少芬落車買利是封,記者上前問她是否停工湊女?蔡少芬坦言:「今年內都唔會拍劇喇,湊女雖然辛苦,但好開心,個女又乖又得意。」再問是否會餵足一年,她則笑而不答。對於會否拍《金枝慾孽》續集?她表示:「仲傾緊,未知點,係都出年先開拍。(係咪你唔肯返大陸拍?)出年先諗啦﹗」

而監製戚其義就表示:「預計出年二月開拍,暫定四十集。」他亦坦言聯絡過蔡少芬,並表示當年開拍《金枝》時預了蔡少芬一份,但她卻因檔期問題未能成事,所以希望續集可以再續合作機會。他說:「佢係一個好演員,當然想同佢合作,不過咁多大卡士,度期好難,依家劇本都未寫,因為上一集劇情去得好盡。」

蔡少芬已回復苗條,唯獨上圍有增無減,鬆身背心也難掩谷奶後 34D的身材。
蔡少芬已回復苗條,唯獨上圍有增無減,鬆身背心也難掩谷奶後 34D的身材。

剛滿一百日的女兒斤両十足,重約 20磅,蔡少芬抱女也顯得有點吃力。
剛滿一百日的女兒斤両十足,重約 20磅,蔡少芬抱女也顯得有點吃力。

剛滿一百日的女兒斤両十足,重約 20磅,蔡少芬抱女也顯得有點吃力。

蔡少芬原本租住謝寧名下的元朗錦繡花園,為迎接女兒誕生,她斥資 7百萬在同屋苑買入另一幢獨立屋,上月剛裝修完入伙,門前布置了聖誕裝飾,信主的蔡少芬特別注重耶穌誕生的日子。

張晉密密做冇停手


蔡少芬停工,經濟擔子由老公張晉獨力承擔,陪完愛妻坐月後,即經常中港兩地飛賺奶粉錢,張晉苦笑謂:「都驚個女耐唔見我,唔認得我!」而蔡少芬則全天候湊女,不時將愛女近照放上微博。

《金枝 2》演員 In& Out


In
04年《金枝慾孽》內容講述宮廷的勾心鬥角,掀起追劇潮,收視高達 40點,更橫掃台慶頒獎禮,早前無綫深夜重播,收視依然強勁。佘詩曼、陳豪、黃德斌是鐵膽,鄧萃雯則初步應承,但有傳近日李添勝會開《巾幗梟雄》第三集,檔期有可能與《金枝》相撞,鄧萃雯分分鐘拍唔成。

佘詩曼
佘詩曼

鄧萃雯
鄧萃雯

陳豪
陳豪

黃德斌
黃德斌

新加入的則有近年大熱黎耀祥以及鄭嘉穎,愛將邵美琪亦有望加入。

鄭嘉穎
鄭嘉穎

黎耀祥
黎耀祥

邵美琪
邵美琪

Out
監製戚其義笑言當然想原班人馬拍續集,但已為人母的黎姿退出娛樂圈,想請都請唔到,林保怡又已離巢,上集已死的張可頤亦會 out。

林保怡
林保怡

黎姿
黎姿

張可頤
張可頤

Orignal From: 《金枝慾孽2》新加入黎耀祥、鄭嘉穎、邵美琪

沒有留言:

發佈留言