2011年9月1日星期四

李詩韻哭奪觀眾心

港姐出身的李詩韻,在無綫拍劇無數,可惜與獎項無緣。近年她憑強勁喊功,在無綫劇《紫禁驚雷》中令觀眾留下深刻印象。演技獲認同的她笑說:「滿足感仲大過攞獎!」

在剛播完的無綫劇《紫禁驚雷》中,李詩韻飾演的角色是一名「喊包」,對於話喊就喊的演技得到賞識,她說:「戲裏面好多喊戲,唔知係咪監製知道我容易喊得出,所以好多場戲都要我喊,但事前都要培養感情先喊得出!」

李詩韻的演技近年得到觀眾認同,問到可有信心在今年無綫台慶攞獎?她說:「以前有一段時間恨過攞獎,雖然年年提名都有我份,但結果年年都唔到我。依家諗法改變咗,情願觀眾認同好過攞獎。依家感覺幾好,套套劇都有發揮機會,最開心係套劇出街之後有觀眾認同我嘅演技,滿足感仲大過攞獎!」

拍拖分手好平常

問到劇中跟前男友鄧健泓現任女友龔嘉欣合作可會感到尷尬?李詩韻說:「完全冇尷尬,龔嘉欣係一個好Nice嘅女仔,我哋合作絕對冇問題,開工都有傾有講。其實拍拖分手好平常,佢又唔係我哋嘅第三者,我亦唔係佢嘅第三者,大家光明正大又點會尷尬呢?大家唔好用有色眼鏡去睇藝人,希望大家正面啲去睇啦!」

李詩韻

李詩韻認為得到觀眾認同,滿足感大過攞獎。

李詩韻

李詩韻(左)跟龔嘉欣合作拍《紫》劇,有講有笑。(資料圖片)

Orignal From: 李詩韻哭奪觀眾心

沒有留言:

發佈留言