胡杏兒 99年奪港姐季軍，之後成為無綫花旦，近年獲公司安排拍電影，她最近與劉青雲等合作，拍攝了杜琪峯執導的《奪命金》，該片入圍威尼斯影展競賽電影，將角逐最高榮譽金獅獎。杏兒更有幸獲邀到威尼斯為影片造勢兼行紅地毯，她前晚就到銅鑼灣耀華街試戰衣。
首次踏足國際影展紅地毯的胡杏兒，當然要谷爆 33吋咪咪，狂晒事業線。
「心情緊張」
杏兒將於後晚赴威尼斯，據悉今次杏兒找來曾為鄭秀文和 Twins設計服裝的本地設計師 Kev Yiu，為她度身訂做晚裝。前晚 10時多，杏兒坐保母車到 Kev的店舖，並試了兩套晚裝。其中一套是黑色襯啡色的 low cut裙，杏兒穿上後， 33吋咪咪呼之欲出，她不停在鏡前照來照去，其後又換上另一套白色低胸魚尾裝，其間杏兒與 Kev有商有量，並試了約半小時才離開。
記者昨致電杏兒，問她試戰衣的情況，她說：「我 7號晚要去威尼斯 3日，心情都幾緊張，去影展見識吓，所以預備咗 4、 5套衫。」
杏兒換上低胸晚裝後在鏡前不停轉身。
穿上白色魚尾裙後，令杏兒散發高貴味道。
期望睇明星
杏兒在電影《奪命金》中，跟任賢齊扮演夫妻。劇照
問杏兒有否想過與其他出席影展的外國女星爭妍鬥麗？她說：「唔敢講啦，其實最開心係拍到杜 Sir部戲，公司又畀我去影展，呢幾日我都有留意影展嘅嘢，有麥當娜、琦溫絲莉，見到唔知點呢，應該會變小 fans。」曾有華籍女星憑行紅地毯上位，杏兒有否想過揚名國際？她笑說：「我喺套電影入面唔係女主角，只係有份演出，着衫唔想太誇張，最緊要尊重場合同埋靚，冇諗過好爆，以高貴為主啦。」
Orignal From: 首次踏足國際影展紅地毯 杏兒晒胸逼爆威尼斯
沒有留言:
發佈留言