撰文：杜淑霞 攝影：徐錦池 場地：鉄板燒海賀（The ONE）
王浩信繼《刑警》後，在《飛虎》中再度飾演警察，背景雖然都是出身警察世家，但前者是自信幹探，後者則是無自信飛虎。外間認為演飛虎隊很有型，是男生夢寐以求的角色，不過原來是有苦自己知。
渴望做窮鬼
王浩信都認為正因為飛虎隊「有型」，所以外型看上去要更fit，「開拍前兩個月接到通知，監製叫我要操fit，就由嗰陣時開始，我每日朝早食5隻烚蛋，午餐食瘦雞飯，下午茶食烚薯仔，夜晚就食烚雞柳，食足半年到拍完為止，仲要狂做健身，加上孭啲器材好重，雖然無真實60磅咁重，但都有成40磅，所以嗰段日子真係好刻苦，不過亦令自己更容易投入角色。」
雖然王浩信在《飛虎》中的「邱駿軒」缺乏自信，但總算年青有為，家庭背景不俗，對於經常被派演富二代角色，他坦言也怕觀眾看厭，「唯有將每個角色盡量做到有啲變化，好似啱啱拍完《名媛望族》，我雖然都係做有錢仔，但因為係私生子，會有啲奸奸地，我好鍾意呢個角色。當然最希望可以轉吓戲路，做啲基層窮鬼角色，希望嚟緊會有機會啦！」
待陳自瑤如情人
王浩信初為人父兩個月，但已感到那份壓力，「以前做咩只係諗自己鍾唔鍾意，但依家一切都以個女行先，諗咩都會諗咗個女先，諗得長遠好多，好似依家最想儲錢買樓，希望囡囡有個好環境長大，個人真係成熟咗、長大咗！」對於最近傳出跟連詩雅的緋聞，指兩人當年因合唱《愛你便愛》撻着，他澄清兩人只是師兄妹關係，「嗰陣時我哋同唱片公司，佢只係我首歌MV女主角。」
29歲的王浩信，外型看上去成熟，但骨子裏仍是名大細路，他笑言囡囡出生後，太太陳自瑤（YoYo）就像多湊一個小孩而已，「我成日都話，YoYo係我大佬嚟，佢成熟過我好多，雖然BB出咗世之後，為咗照顧囡囡好少時間相處，但係我都會搵番啲生活情趣，有人教我唔好當老婆係老婆，應該要當佢係情人咁，保持新鮮感先至得。」所以當日訪問完，他即刻飛起囡囡，約YoYo去撐枱腳。
浩信相當受師奶歡迎。
王浩信笑言拍飛虎時操得夠Fit，不怕露肉。
跟太太陳自瑤的女兒出世後，王浩信坦言變得更顧家。
演出彩虹
王浩信近期劇接劇，角色愈來愈重，似是被受力捧，但他未感自滿，因當年一度失意歌壇，「嗰陣出咗兩隻唱碟，之後事業停滯不前，有段時間好冇自信，成日以為人哋圍埋講自己，匿埋喺屋企，好在後來前經理人介紹入咗無綫，先可以有機會喺電視發展。」
Orignal From: 做老竇後變成熟 王浩信一切個女行先
沒有留言:
發佈留言